ნუთუ შეიძლება ჩვენთან ასე ლაპარაკი, რომ რაღაცა დავთმოთ? – უნდა გაითვალისწინონ უპირველესი, რომ არ უნდა შეეხონ ჩვენს რწმენას, ჩვენს ურთიერთობებს და ქართველზე კარგი პარტნიორი მე არ ვიცი, ვინ შეიძლება იყოს, იმიტომ რომ ჩვენთვის უცხოა მუხთლობა, პირისცვლა, – ამის შესახებ ბოდბელმა მთავარეპისკოპოსმა, მეუფე იაკობმა ქადაგებისას განაცხადა.
როგორც მეუფე იაკობი აღნიშნავს, „ჩვენ ისეთი ერი ვართ, მთელი ბოროტი ძალა რომ გაერთიანდეს, მაინც ვერაფერს უზამს ჩვენს რჯულს”.
„ჩვენ ხომ 100 000 მოწამის ერი ვართ, ჩვენ ხომ 6 000 ბერის ერი ვართ და ნუთუ შეიძლება ჩვენთან ასე ლაპარაკი, რომ რაღაცა დავთმოთ? რაღაცას დათმობ ურთიერთობებში, მაგრამ გააჩნია, შენთვის რომ რაღაცაა, ის ჩვენთვის რაღაცა არ არის. ჩვენ ისეთი ერი ვართ, რომ რაც არ უნდა, ვინც არ უნდა შეგვიტიოს, აი, თუნდაც, რომ გაერთიანდნენ ახლა, მთელი ბოროტი ძალა რომ შეიკრას, მაინც ვერაფერს უზამს ჩვენს რჯულს იმიტომ, რომ იმ ასი ათასის და მრავალის ლოცვა-კურთხევა გვიცავს. ჩვენ უფალი და დედაღვთისმშობელი გვიცავს. ამიტომ, როცა ურთიერთობებია ეს გარეთ, ჩვენგან რომ რაღაცებს ითხოვენ, უნდა გაითვალისწინონ უპირველესი, რომ არ უნდა შეეხონ ჩვენს რწმენას, ჩვენს ურთიერთობებს და ქართველზე კარგი პარტნიორი მე არ ვიცი ვინ შეიძლება იყოს, იმიტომ რომ ჩვენთვის უცხოა მუხთლობა, უცხოა პირისცვლა, მაგრამ როდესაც შენ ახლა წარა-მარა რაღაცებს გიცვლიან, თვითონაც თავს დაიცავ ყოველთვის”, – განაცხადა მეუფე იაკობმა.
