18 Views
დღეს ქუთაისში „ქუთაისქალაქობა 2023-ს“ აღნიშნავენ. ქალაქის ცენტრში, მთელი დღის მანძილზე, გაიმართება გამოფენა-გაყიდვები, შეხვედრები, ფორუმები, პრეზენტაციები, საბავშვო და სპორტული აქტივობები, კონცერტები. აირჩევენ ქუთაისის საპატიო მოქალაქეებს.
დღესვე მოხდება ევროპის 21-წლამდე ნაკრებთა ფეხბურთის ჩემპიონატის გარდამავალი თასის წარდგენა – ქუთაისი უეფას 21-წლამდე ასაკის ნაკრებთა ჩემპიონატის ერთ-ერთი მასპინძელი ქალაქია.
დღის ბოლოს, მესხიშვილის თეატრში თბილისის სიმფონიური ორკესტრი, ვახტანგ კახიძის დირიჟორობით, შეასრულებს სიმღერებს ქართული კინო-ფილმებიდან.
2 მაისის სადღესასწაულო ღონისძიებები დასრულდება გალა-კონცერტით, სადაც თბილისის ბიგ-ბენდი და პოპულარული ქართველი შემსრულებლები წარდგებიან მაყურებლის წინაშე.
