რუსეთის უშიშროების საბჭოს თავმჯდომარის მოადგილე დმიტრი მედვედევი უკრაინის მხრიდან კონტრშეტევის დაგეგმვას და უკრაინის პრეზიდენტ ზელენსკის ბოლოდროინდელ განცხადებებს ეხმაურება.
ზელენსკის თქმით, უკრაინის კონტრშეტევა ყირიმის გათავისუფლებას ითვალისწინებს
ომი შეიძლება წლები, ან ათწლეულებიც კი გაგრძელდეს – უკრაინის პრეზიდენტი
მედვედევი Telegramz-ზე წერს, რა უნდა მოიმოქმედოს რუსეთმა:
„კიევის ძაღლი აგრძელებს ყეფას. 1. მოგვეცით მეტი იარაღი, რომ ნაკლები მსხვერპლი იყოს 2. გადავალთ ყირიმის დაბრუნებაზე 3. უმჯობესია ახლა დაუჭიროთ უკრაინას მხარი, რომ მესამე მსოფლიო ომის რისკი არ გაიზარდოს 4. ომი შეიძლება, ათწლეულები გაგრძელდეს – რა არის ეს? ნარკოტიკებით გაჟღენთილი ცნობიერების წინააღმდეგობრივი სიბნელე? გაურკვევლობის დელირიუმი? ზეწოლა თქვენს ქველმოქმედებზე? ქრონიკული ზოგადი პარანოია? ყველაფერი ეს ერთად და ამაზე პასუხი მხოლოდ ასეთი შეიძლება იყოს: ნაცისტური რეჟიმის მიერ გამოყენებული პერსონალისა და სამხედრო აღჭურვილობის მასობრივი განადგურება კონტრშეტევის დროს, უკრაინის შეიარაღებულ ძალებზე მაქსიმალური სამხედრო მარცხის მიყენებით; მტრის სრული განადგურება და ნაცისტური რეჟიმის საბოლოო დამხობა კიევში მისი სრული დემილიტარიზაციით; ნაცისტური რეჟიმის მთავარი ფიგურების მიმართ შურისძიების აქტების განხორციელება, მათი მდებარეობისა და ხანდაზმულობის ვადის მიუხედავად. სხვა შემთხვვეაში, ისინი ვერ მოისვენებენ, ეს ბოდვები შეიძლება რეალობად იქცეს და ომი გაჭიანურდეს. ჩვენს ქვეყანას ეს არაფერში სჭირდება“, – წერს მედვედევი.
