რუსეთში წლიური ინფლაცია 3.5%-მდე შემცირდა

April 15, 17:29
0
247

რუსეთის ფედერაციის მასშტაბით მარტში წლიური ინფლაციის დონე 3.5%-მდე შემცირდა, რაც ომის დაწყების შემდეგ დაფიქსირებული მინიმალური მაჩვენებელია.

შედარებისთვის, წინა თვეს წლიური ინფლაცია 11%-ს შეადგენდა, მონაცემების მკვეთრი ვარდნა კი არა უშუალოდ სამომხმარებლო ფასების შემცირებით, არამედ მაღალი საბაზო ეფექტითაა განპირობებული.

მოგეხსენებათ, გასულ წელს, ომის დაწყებიდან რამდენიმე კვირაში რუსეთის მასშტაბით ფასების მკვეთრი ზრდა დაიწყო, წლიური ინფლაციის მაჩვენებელი კი სწორედ 2022 წლის ანალოგიურ პერიოდთან შედარებით გამოითვლება, რაც ასეთ დაბალ მაჩვენებელს განაპირობებს.

ეროვნული ბანკის განმარტებით, რუსეთში სამომხმარებლო ფასების ზრდის ტემპი ნამდვილად შენელებულია, რაც მონეტარული პოლიტიკის ეტაპობრივი შემსუბუქების საშუალებას იძლევა.

წყარო – BM.GE

Cesko