18 Views
„პუტინს უკრაინა უყვარს და მას რუსეთის ნაწილად მიიჩნევს. ჩინეთის ლიდერი სი ძინპინი და ჩრდილოეთ კორეის დიქტატორი კიმ ჩენ ინი თავიანთ პოლიტიკურ თამაშში ძალიან ჭკვიანები არიან“, – მსგავსი განცხადებები აშშ-ის ყოფილმა პრეზიდენტმა დონალდ ტრამპმა Fox News-თან ინტერვიუში გააკეთა.
მისივე თქმით, პუტინთან საუბრისას უკრაინის მიმართ რუსეთის ლიდერის დიდი სიყვარული დაინახა, თუმცა კონკრეტულად როგორ გამოიხატა ეს სიყვარული, პოლიტიკოსს არ განუმარტავს.
„მე დავინახე, რომ მას [პუტინს] უყვარს [უკრაინა] და მას რუსეთის ნაწილად მიიჩნევს. მე ვუთხარი: სანამ პრეზიდენტი ვარ, ეს არ მოხდება. რუსეთი ახლა უკრაინას ანადგურებს. ჩემი პრეზიდენტობის პირობებში, სავარაუდოდ, სრულმასშტაბიანი ომი არასოდეს დაიწყებოდა“, – აღნიშნა ტრამპმა.
