„ძალიან დიდი ბოდიში ჩემს მეზობლებთან, მაგრამ არ მაინტერესებს, რას იტყვიან… საზოგადოებისთვის რატომ უნდა ვიცხოვროთ?!“ – რას ამბობს უკმაყოფილო სალომე გოგიაშვილი?

„ღამის პრაიმ ტაიმში” მიწვეულმა სტუმრებმა იმსჯელეს, რატომ უჭირთ საქართველოში 40 წელს ზევით ოჯახის შექმნა.

სალომე გოგიაშვილი ამბობს, რომ ყველამ ისე უნდა იცხოვროს, როგორც თავად სურს:

„საქართველოში საზოგადოება ყველაფერს გაკვირვებითა და კრიტიკით ხვდება. პატარა გოგო რომ თხოვდება, კითხულობენ, სად ჰყავდა დედა და მამაო, ასაკში თუ თხოვდება, ესეც არ მოსწონთ. ერთადერთხელ ცხოვრობ და გეძლევა შანსი, იყო ბედნიერი. სადაც და ვისთან ერთადაც გაგიხარდებათ, იქ უნდა იყოთ. ნუ მიიღებს საზოგადოება ამას, რატომ უნდა ვიცხოვროთ საზოგადოებისთვის. ჩემი მეზობელი რას იტყვის, ძალიან დიდი ბოდიში ჩემს მეზობლებთან, არ მაინტერესებს!..”