“ნახევარ ევროპას აგიჟებს, სამუშაოდ ვიყავი და…” – ნახეთ რა თქვა ცნობილმა იტალიელმა ჟურნალისტმა კვარაცხელიას შესახებ

November 15, 17:43
0
299

იტალიელმა ჟურნალისტმა დილეტა ლეოტამ, რომელიც ტელეკომპანია DAZN-ზე მუშაობს, ხვიჩა კვარაცხელიასა და ლუჩანო სპალეტიზე ისაუბრა.

„ვინ მოახდინა სეზონის განვლილი ნაწილიდან გამომდინარე ჩემზე ყველაზე დიდი შთაბეჭდილება? ადვილი სათქმელია – „ნაპოლის“ ფეხბურთელმა კვარაცხელიამ. მართლაც ფანტასტიკური ფეხბურთელია, რომელიც ნახევარ ევროპას აგიჟებს. ლივერპულში ვიყავი ამ თამაშზე სამუშაოდ და იქ იყო ინგლისური კლუბის ყოფილი ფეხბურთელი, ემილ ჰესკი, რომელმაც მისი თამაში პირველად ნახა და საკუთარ თვალებს არ უჯერებდა. „ნაპოლი“ ძალიან კარგად თამაშობს, გუნდს ეტყობა ლუჩანო სპალეტის ქარიზმა და ხასიათი. მან გუნდს გამარჯვებული დნმ მისცა და როგორც ჩანს, გუნდი და მწვრთნელი სრულ ჰარმონიაში არიან. სპალეტისთან სიუჟეტისთვის სახლში ვიყავი, ვიცნობ დედამისსაც, თავის ისე მაგრძნობინეს, როგორც საკუთარ სახლში. ის ბევრად მეტია, ვიდრე მწვრთნელი“, – თქვა დილეტამ. შეგახსენებთ, რომ სეზონის პირველ ნაწილში ხვიჩა კვარაცხელიამ „ნაპოლის“ მაისურით ყველა ტურნირზე 16 მატჩი ჩაატარა, 8 გოლი გაიტანა, 8 საგოლე პასი გააკეთა და სამჯერ პენალტი მოიპოვა.

წყარო: ​worldsport.ge

Cesko