The Washington Post: დონალდ ტრამპის სახლიდან ამოღებული საიდუმლო დოკუმენტები ირანსა და ჩინეთს ეხებოდა

October 22, 10:35
0
199

ფლორიდაში დონალდ ტრამპის სახლში ჩხრეკისას ამოღებული საიდუმლო დოკუმენტების ნაწილი ირანსა და ჩინეთს ეხებოდა. ამის შესახებ საკუთარ წყაროებზე დაყრდნობით გამოცემა The Washington Post-ი წერს.

„ზოგიერთი დოკუმენტი შეიცავდა საკმაოდ მგრძნობიარე სადაზვერვო ინფორმაციას ირანისა და ჩინეთის შესახებ, მათ შორის სულ მცირე ერთი დოკუმენტი ირანის სარაკეტო პროგრამას ეხებოდა“, – აცხადებენ გამოცემის წყაროები.

მათივე მტკიცებით, ასეთი ინფორმაციის გაჟონვის შემთხვევაში შესაძლოა ცნობილი გახდეს აშშ-ის მიერ სადაზვერვო ინფორმაციის მოპოვების მეთოდები.

9 აგვისტოს, გამოძიების ფედერალურმა ბიურომ (FBI) პალმ ბიჩში (ფლორიდის შტატი) მდებარე დონალდ ტრამპის სახლში ჩხრეკა ჩაატარა. სამართალდამცველებმა ყოფილი პრეზიდენტის სახლიდან 11 000-ზე მეტი სამთავრობო დოკუმენტი ამოიღეს, მათ შორის 18 „განსაკუთრებული მნიშვნელობის“, 54 „საიდუმლო“ და 31 „კონფიდენციალური“ დოკუმენტი იყო.

Cesko