დააკავეს დივერსანტები, რომლებიც „თურქული ნაკადის“ გაზსადენის აფეთქებას ცდილობდნენ – დმიტრი პესკოვი

„დივერსანტები აიყვანეს, რამდენიმე ადამიანი დააკავეს – ჩვენი ტერიტორიის ხმელეთზე აფეთქება უნდოდათ“, – განაცხადა პესკოვმა.

მანამდე, უშიშროების საბჭოს წევრებთან ოპერატიულ შეხვედრაზე, ვლადიმერ პუტინმა განაცხადა, რომ კიევი ცდილობდა „თურქული ნაკადის“ გაზის გადამცემი სისტემის ერთ-ერთი მონაკვეთის აფეთქებას.

გაზსადენს აქვს ორი ნაკადი, რომლიდანაც ერთი ბუნებრივ აირს თურქეთს აწვდის, მეორე კი თურქეთის გავლით, სამხრეთ-აღმოსავლეთ ევროპის რამდენიმე ქვეყანას.