ლუკაშენკო აფხაზეთში ჩავიდა – რას განიხილავს ბელარუსის ლიდერი ასლან ბჟანიასთან?

September 28, 16:39
0
470

ბელარუსის ლიდერი, ალექსანდრ ლუკაშენკო ოკუპირებულ აფხაზეთში იმყოფება. “ეხო კავკაზას” ინფორმაციით, ლუკაშენკო არაოფიციალური ვიზიტით არაღიარებულ რესპუბლიკაში დღეს დილით ჩავიდა.

არსებული ინფორმაციით, ლუკაშენკო ოკუპირებული აფხაზეთის დე-ფაქტო პრეზიდენტს, ასლან ბჟანიას ხვდება.

შეხვედრაზე მხარეები ორმხრივ ურთიერთობას, სავაჭრო-ეკონომიკურ თანნამშრომლობას, საერთაშორისო ვითარებას, გამოწვევებსა და საფრთხეებს გაანალიზებენ.

გამოცემის ცნობით, სოციალურ ქსელებში ვრცელდება ვიდეომასალა, სადაც ჩანს, რომ საგზაო პოლიციის მანქანების თანხლებით აფხაზეთში ავტოკოლონა მოძრაობს.

26 სექტემბერს, სამუშაო ვიზიტით ალექსანდრ ლუკაშენკო სოჭში, რუსეთის პრეზიდენტ, ვლადიმერ პუტინთან ჩავიდა.

 

 

Cesko