მალე ოჯახიც არ გეყოლება გვერდით, შე ნაძირალა ვირთხა – მაჩალიკაშვილი გოგაშვილს

July 21, 17:00
0
621

მალხაზ მაჩალიკაშვილი, სუს-ის ყოფილი მაღალჩინოსანის, სოსო გოგაშვილის ციხიდან მიმართვას ეხმაურება.

“ჯარი მიდგასო გულშემატკივრების, ასე მიმართავს ეს არსება ოჯახს წერილით. მე სხვა რაღაცას გეტყვი, მალე ოჯახიც არ გეყოლება გვერდით, ისინიც ჩამოგეცლებიან, არა მარტო სამეგობრო, რა თქმა უნდა, საერთოდ თუ გყავდა მეგობრები.

დაიცადე ჯერ სად ხარ შე ნაძირალა ვირთხა”, – აცხადებს მალხაზ მაჩალიკაშვილი.

შეგახსენებთ, სოსო გოგაშვილმა ციხიდან მიმართვა გაავრცელა:

“მშვიდობა მოკეთეებო. აი მეც გამოვჩნდი, დავლაგდი, მოვწესრიგდი, ვეჩვევი ახალ გარემოს. ამ განსაცდელსაც გავუძლებ რწმენით. ახლა მოკითხვები და მადლობა ჩემო წმინდა ოჯახო. მიყვარხართ ყველა და მეიმედებით. თქვენ თუ მაგრად და ერთად იდგებით, მე აქ არაფერი არ გამიჭირდება. ჩემო თეა, ჩემო მეგობარო, ხომ მეუბნებოდი სულ, რომ ქვა და რკინა ვარო, ხოდა, ახლა დადექი მტკიცედ და მართე ოჯახი კარგი ვაჟკაცივით. მაპატიეთ ჩემი ახირება, რის გამოც აგაფორიაქეთ, მაგრამ ეგეთი ჯიუტი კამეჩი ვარ ხომ იცით. მადლობა ჩემს ადვოკატებს, ჩემს მეგობრებს, ნათესავებს, ყველას ჩემებს, მაჩხაანიდან დაწყებული ტვიბით დამთავრებული. მადლობა ჩემი ოჯახის გვერდში დგომისთვის, მადლობა ამხელა ჯარი რომ დგას მანდ, მადლობა სასულიერო პირებს, მეუფეებს, მამებსა და დედებს. გთხოვთ მოიხსენიეთ მონა ღვთისა იოსები.

დიდი მადლობა მედიას, რომელიც 24 საათის განმავლობაში აშუქებს მიმდინარე მოვლენებს, მეიმედებით. დიდი მადლობა სახალხო დამცველსა და მისი აპარატის თანამშრომლებს, რომლებიც მუდმივ კავშირზე არიან ჩემთან. დიდი მადლობა ყველა იმ პოლიტიკოსს, არასამთავრობოსა და საზოგადოების აქტიურ წევრებს, რომლებიც ზუსტად ხვდებიან, რაც ხდება ჩვენს თავს და სწორ აქცენტებს აკეთებენ. არ შემიძლია მადლობა არ ვუთხრა დროებითი მოთავსების იზოლატორის თანამშრომლებს, ბოლო ნათელი წერტილი შემორჩენილხართ სუსში. მადლობა ასევე ჩემს ახალ მასპინძლებს – ციხის დირექციის თანამშრომლებსა და მედპერსონალს, რომლებიც თავს მევლებიან. მოკლედ სულ ესაა ამ ეტაპზე. ინფორმაციას მუდმივად მოგაწვდიან ჩემი სანდრო მეგობრები, რომლებსაც წინასწარ დავუტოვე გამზადებული Facebook სტატუსები“.

Cesko