შვილმა დედა სასიკვდილოდ დაჭრა, ხოლო მასთან მყოფი კი ადგილზევე მოკლა – სად და რა ვითარებაში მოხდა დიდი ანგარიშსწორება?

July 19, 12:22
0
351

მკვლელობა მოხდა ფონიჭალაში. არსებული ინფორმაციით, ქვემო ფონიჭალაში შვილმა, დედას, სავარაუდოდ, დანით ჭრილობები მიაყენა, მასთან ერთად მყოფი პირი კი მოკლა.

დაჭრილი ქალი სასწრაფო დახმარებამ საავადმყოფოში გადაიყვანა, თუმცა მისი მდგომარეობა ამ დროისთვის მძიმეა.

დამნაშავე შემთხვევის ადგილიდან გაიქცა. თავდამსხმელი იდენტიფიცირებულია, თუმცა ჯერ დაკავებული არაა.

განახლება:

ფონიჭალაში მომხდარი მკვლელობის შესახებ ახალი დეტალები ხდება ცნობილი. არსებული ინფორმაციით, მკვლელობა საღამოს, ქუჩაში, ოჯახური კონფლიქტის საფუძველზე მოხდა.

„შვილებთან ერთად ვიყავი დასასვენებლად, სამი დღით. დამირეკეს, მითხრეს რაც მოხდა და ჩამოვედი. ეს განზრახ გაკეთებულია, დაგეგმილია. მინდა ეს ადამიანი, რომელიც ახლა გაქცეულია, დაიჭირონ. მინდა ბებიაც და ძმაც დაიჭირონ. მამაჩემი მასთან ერთად მიდიოდა სამგორის ბაზრობაზე, ყველაფერს ყიდულობდა, მაგიდას ასწორებდა, მოდიოდა სახლში.. მეც ვიცოდი. მერე მამაჩემს მისი ბებია ძალიან ემუქრებოდა, მეუბნებოდა, მამაშენს მოვკლავთო“, – ამბობს გარდაცვლილის შვილი „ტვ პირველთან“.

გარდაცვლილ შუახნის კაცს სასიკვდილო ჭრილობები ცივი იარაღით გულისა და ყელის არეში აქვს მიყენებული. ხოლო დაჭრილი ქალი კლინიკაში, მძიმე მდგომარეობაში იმყოფება.

გამოძიება სისხლის სამართლის კოდექსის ორი მუხლით: 108-ე და 19/109-ე მუხლებით მიმდინარეობს, რაც გულისხმობს განზრახ მკვლელობას და დამამძიმებელ გარემოებებში განზრახ მკვლელობის მცდელობას.

Cesko