ცნობილი თურქი მოდელი და ინფლუენსერი გიზემ კარამელაკი, ძმასთან და კიდევ სამ თანამზრახველთან ერთად დააკავეს.
სტამბულის საგამოძიებო სამსახურის ინფორმაციით, სატელევიზიო შოუ Style icon-ის კონკურსანტი გიზემ კარამელაკი ბრალდებულია ახალგაზრდა ქალის გატაცებაში, წამებასა და ტრეფიკინგში. თურქული მედიის ცნობით, კარამელაკმა ეჭვიანობის ნიადაგზე, თანამზრახველებთან ერთად გაიტაცა ქალი, რომელიც მის შეყვარებულთან ურთიერთობდა.
გატაცებულს ერთ-ერთ სოფელში მდებარე აგარაკზე თავისუფლება უკანონოდ აღუკვეთეს, იძულებით შეაჭრეს თმები, ძალაოდბით მისცეს ნარკოტიკული საშუალებები, რის შემდეგაც მასზე სექსუალურად იძალადეს. ასეთ მდგომარეობაში ქალი ოთხი დღე იმყოფებოდა, რის შემდეგაც გიზემ კარამელაკმა მსხვერპლთან ერთად საქართველოში გაქცევა სცადა. ყალბი სანომრე ნიშნების მქონე ავტომობილი პოლიციამ შეაჩერა, რა დროსაც გატაცებულმა დახმარება ითხოვა. ეჭვმიტანილები სამართალდამცველებმა დააკავეს.
გამოძიებით დადგინდა, რომ ქალის გატაცებამდე, მოდელის დაკვეთით, სასტიკად სცემეს მისი შეყვარებულიც.
თურქული მედია წერს, რომ გიზემ კარამელაკის ტელეფონის შესწავლის შედეგად, აღმოჩენილია 19 სხვადასხვა ჩანაწერი, რომელიც სისხლის სამართლის დანაშაულის ნიშნებს შეიცავს. დგინდება, რომ ცნობილი მოდელი დანაშაულებრივი დაჯგუფების, Barış Neck-ის წევრი იყო.
წყარო – “პრაიმ ტაიმი”
უახლესი ამბები:
VIDEO: „იპოვეს ერთი ცხედარი“ – რა ვითარებაა ახლა სტიქიის ზონაში (კადრები თურქეთიდან)
“ყველა ძვალი დამტვრეული ჰქონდა საწყალს…” – ახლახან შემზარავი შემთხვევა მოხდა
🎥 VIDEO: ”ორსულად ვიყავი და იმ საღამოს ბავშვი დავკარგე…” – ლელა წურწუმიას ტრაგიკული ამბავი აგატირებთ
