43 Views
ისრაელის არმიამ ღაზას სექტორზე საჰაერო იერიშები განაახლა. როგორც „ცახალის“ მეთაურობა აცხადებს, მათი სამიზნე „ისლამური ჯიჰადის“ ობიექტებია. ვრცელდება ინფორმაცია დაჯგუფების ერთ-ერთი ლიდერის, ალი გალის ლიკვიდაციის შესახებაც. მანამდე მხარეებს ეგვიპტის შუამავლობით რამდენიმე საათით ცეცხლი ჰქონდათ შეწყვეტილი.
ვითარება ისრაელსა და პალესტინურ ანკლავს შორის 2 დღის წინ დაიძაბა. დაღუპულია 21 და დაშავებულია 60-ზე მეტი ადამიანი. ისრაელში კი აცხადებენ, რომ ღაზის სექტორიდან ისრაელის მიმართულებით 270 რაკეტა ისროლეს. 3 რაკეტა დასახლებულ რაიონებში ჩამოვარდა. რაკეტების დიდი ნაწილი ისრაელის თავდაცვის სისტემებმა გაანეიტრალა.
