„ჩემი ჯან­მრთე­ლო­ბის მდგო­მა­რე­ო­ბა ახლაც რთუ­ლია. გა­რეგ­ნუ­ლად არა­ფე­რი მე­ტყო­ბა, მაგ­რამ… წელს ქვე­ვით მო­წყვე­ტა­ზე იყო სა­უ­ბა­რი“ – რა სჭირს ლაშა გაბუნიას?

December 26, 08:35
0
121

„კო­მე­დი შოუს” მსა­ხი­ო­ბი ლაშა გა­ბუ­ნია რამ­დე­ნი­მე თვეა რაც ჯან­მრთე­ლო­ბის პრობ­ლე­მებს ებ­რძვის. ხუთი წლის წინ ავა­რი­ის დროს მი­ღე­ბულ­მა ტრავ­მამ წლე­ბის შემ­დეგ იჩი­ნა თავი და მსა­ხი­ობს ხერ­ხე­მალ­ზე რამ­დე­ნი­მე ოპე­რა­ცია დას­ჭირ­და. მათ შო­რის ერთ-ერთი ივ­ლის­ში, თურ­ქეთ­ში ჩა­უ­ტარ­და. მა­შინ სა­ზო­გა­დო­ე­ბა გა­ერ­თი­ან­და, რომ ლა­შას­თვის ოპე­რა­ცი­ის­თვის სა­ჭი­რო თან­ხა შე­ეგ­რო­ვე­ბი­ნათ.

„ჩემი ჯან­მრთე­ლო­ბის მდგო­მა­რე­ო­ბა რთუ­ლია. სკეტ­ჩებ­ში ვმო­ნა­წი­ლე­ობ, გა­რეგ­ნუ­ლად არა­ფე­რი მე­ტყო­ბა, მაგ­რამ კაც­მა არ იცის, რა მჭირს ში­ნა­გა­ნად. ამ ეტაპ­ზე ფი­ნან­სუ­რი დახ­მა­რე­ბა აღარ მჭირ­დე­ბა, ალ­ბათ ძვე­ლი პოს­ტე­ბი ზი­არ­დე­ბა სოციალურ ქსელში. მანამდე ძა­ლი­ან მძი­მედ ვი­ყა­ვი, ახლა რე­ა­ბი­ლი­ტა­ცი­ას გავ­დი­ვარ, მაგ­რამ ისე არ არის საქმე, რომ გან­ცხა­დე­ბა გა­მოქ­ვეყ­ნდეს.

ეს ტრავ­მა ხუთი წლის წინ მომ­ხდა­რი ავა­რი­ის შე­დე­გი იყო, მაგ­რამ მა­შინ გა­მოვ­ჯან­მრთელ­დი, შემ­დეგ გან­ვი­თარ­და ნელ-ნელა. ექი­მებ­მა მი­თხრეს, რომ ფეხ­ბურ­თი­დან გა­მომ­დი­ნა­რე არ ყო­ფი­ლა, ავა­რი­ის შემ­დეგ გან­ვი­თარ­და მა­ლუ­ლად. ზურ­გის ტვინ­ზე მქონ­და თი­ა­ქა­რი, რთუ­ლი ოპე­რა­ცია იყო, თო­რემ თი­ა­ქა­რის ოპე­რა­ცია ზო­გა­დად სა­ქარ­თვე­ლო­შიც კეთ­დე­ბა. წელს ქვე­ვით მო­წყვე­ტა­ზე იყო სა­უ­ბა­რი.

ჯერ­ჯე­რო­ბით სამსახურში დავ­დი­ვარ, სკეტ­ჩებ­შიც ვმო­ნა­წი­ლე­ობ. ახ­ლაც ვიქ­ნე­ბი ეთერ­ში წი­ნა­სა­ა­ხალ­წლო დღე­ებ­ში”, – განუცხადა “ამბებს” ლაშა გაბუნიამ.

წყარო: ambebi.ge

Cesko