,,ვისურვებდი, უფრო ეფექტური ლიდერი ჰყოლოდა ნაცმოძრაობას ასეთ ექსტრემალურ სიტუაციაში” – მაია ორჯონიკიძე ნიკა მელიაზე

November 30, 08:04
0
161

ტვ „აჭარის“ ეთერში ნაციონალური მოძრაობის მხარდამჭერმა მაია ორჯონიკიძემ ნიკა მელიაზე ისაუბრა:

„დღეს საქართველოს მესამე პრეზიდენტმა, თანამედროვე საქართველოს დამფუძნებელმა მიხეილ სააკაშვილმა, ჩვენდა სამარცხვინოდ გისოსებს უკან იდგა, მადლობა გადაუხადა ყველას, მათ შორის, ნიკა მელიასაც. მიხეილ სააკაშვილი ენდობა ნიკა მელიას და ეს რაღაცას ნიშნავს, მაგრამ მე, რამეთუ არ ვარ სექტანტი, ბრმა მხარდამჭერი და ვარ გაცნობიერებული მხარდამჭერი, მაქვს უფლება ჩემი აზრი მქონდეს მათ შორის მიხეილ სააკაშვილისგან განსხვავებით. მე ამ კითხვაზე გიპასუხებთ, რომ პირველი, არანაირი ინფორმაცია არ მაქვს, რომ ნიკა მელია გადადგება, ეს ალბათ მოარული ხმებია, მაგრამ ჩემი აზრი თუ გაინტერესებთ, როგორც საქართველოში ყველაზე დიდ ოპოზიციურ პარტიას, შიდა დემოკრატიის პროცესების უფრო მეტ ხარისხში არსებობას ვისურვებდი და ამ შემთხვევაში ვისურვებდი, უფრო ეფექტური ლიდერი ჰყოლოდა ნაცმოძრაობას ასეთ ექსტრემალურ სიტუაციაში. თუმცა, მე მელაპარაკებიან ნიკა მელიას მხარდამჭერები და ჩვენ ხომ მტრები არ ვართ, ერთ რამეზე შეგვტკივა გული და ისინი ამბობენ, რომ კი, ნიკა მელია უკან იხევს, მაგრამ მხოლოდ იმის გამო ამუხრუჭებს, რომ დიდი პროვოკაციებია მოსალოდნელი ხელისუფლებისგან, შეიძლება იქ სისხლისღვრა მოხდეს. სისხლისღვრა არავის უხარია, მაგრამ მშვიდობიანი მასობრივი პროტესტის უფლება გვაქვს და სხვა გზა არ არსებობს“

Cesko