გავრცელებული ინფორმაციით, 24 ნოემბერს, ბოლნისის მუნიციპალიტეტში, სოფელ მუშევანში, 10-მდე ადამიანი ცივი იარაღით დაჭრეს.კონფლიქტი ქორწილში დაიწყო და შემდეგ ქუჩაში გაგრძელდა, რაც სისხლისღვრით დასრულდა. მერის წარმომადგენელი სოფელ მუშევანში, რობიზონ სელიმაშვილი მომხდარს ადასტურებს.
“სოფელ მუშევანში არის საქორწინო დარბაზი და იქ ჩატარდა ქორწილი. გოგო და ბიჭი, რომელმაც იქორწინეს, სოფელ მუშევანში ცხოვრობენ. სუფრაზე, როგორც ჩანს, ახალგაზრდებს შორის მოხდა შელაპარაკება, რაც ქუჩაში გაგრძელებდა. კერძოდ, სოფლის ბოლოში წასულან და იქ მომხდარა ჩხუბი, შედეგად, რამდენიმე ადამიანია დაჭრილი, მათგან ოთხი სოფელ დარვაზიდან არის, დანარჩენები, ჩემი ინფორმაციით, მუშევანიდან არიან.როგორც ვიცი, პოლიცია იყო მოსული და დაიწყო გამოძიება. დაჭრილი ახალგაზრდები ჯიბის დანებით ყოფილან. სერიოზული ჩხუბი დარბაზში არ ყოფილა, იქ შეკამათდნენ და შემდეგ წასულან საქმის გასარჩევად მექორწილეები.
საბედნიეროდ. როგორც ვიცი, დაჭრილების სიცოცხლეს საფრთხე არ ემუქრებაო. როგორც მითხრეს, რამდენიმე სახლშია უკვე, გაწერეს კლინიკიდან. ერთი ახალგაზრდაა მძიმედ და ის ბოლნისის კლინიკიდან მარნეულში უნდა გადაიყვანონ. კონფლიქტის მიზეზი რა იყო, ეს ჩემთვის უცნობია, ალბათ პოლიცია გაარკვევს დეტალებს”,- ამბობს მერის წარმომადგენელი.
გაცნობებთ, რომ მომხდარის თაობაზე, გამოძიება დაწყებულია 117-ე მუხლით, რაც გულისხმობს ჯანმრთელობის განზრახ მძიმე დაზიანებას. შსს-ს ცნობითვე, დაკავებულია ორი პირი.
წყარო:ambebi.ge
