აღმოსავლური კალენდრის მიხედვით, გველის წელი 2025 წლის 10 თებერვალს დაიწყება და 2026 წლის 29 იანვრამდე გაგრძელდება. გველი ასტროლოგიაში სიბრძნის, მოქნილობის, ინტელექტისა და შრომისმოყვარეობის სიმბოლოა. ამიტომ, როგორც ასტროლოგები ამბობენ, მომდევნო წელი თითოეულ ადამიანს არაერთ მნიშვნელოვან ცვლილებას მოუტანს. გველის მოქნილობა გარდაქმნების პერიოდს განაპირობებს და ეს წელი ნამდვილი გზების ძიების ეტაპი იქნება, განსაკუთრებით, ურთიერთობებსა და კარიერაში.
ადამიანებს ურთიერთობების დასტაბილურებისა და აქამდე არსებული უთანხმოებების აღმოფხვრის სურვილი გაუჩნდებათ. ბევრი არასტანდარტულ გადაწყვეტილებებსაც მიიღებს. მას, ვინც მზადაა, გამოწვევებს არ შეუშინდეს, გველის წელი ახალ ჰორიზონტებსა და შესაძლებლობებს გაუხსნის.
2025 წლის ასტროლოგიური პროგნოზი მამაკაცებისთვის:
როგორც ასტროლოგები ამბობენ, მწვანე ხის გველის წელი ბევრ მამაკაცს თვითგანვითარებისა და ცვლილებების სურვილს გაუჩენს. შესაბამისად, შესაძლოა, რადიკალური გადაწყვეტილებები მიიღოთ და საბოლოოდ გააკეთოთ ის, რაზეც დიდი ხანია, ოცნებობთ და გინდათ.
კარიერული წინსვლისა და ახალი უნარების აღმოჩენის წელი იწყება. ამიტომაც, შესაძლოა, 2025 წლის განმავლობაში არაერთი მნიშვნელოვანი შეთავაზება მიიღოთ და სფეროს შეცვლაც კი გადაწყვიტოთ.
ასტროლოგები გირჩევენ, რომ თქვენს ქმედებებსა და გადაწყვეტილებებში მოქნილობა და სიბრძნე გამოიყენეთ. გველი ცვლილებების სიმბოლოა, ამიტომ ახალ პირობებთან ადაპტაციისთვის მოემზადეთ. იბრძოლეთ ცხოვრების ყველა ასპექტში წონასწორობისთვის და წელიწადი ბევრ პოზიტიურ მომენტს მოგიტანთ.
2025 წლის ასტროლოგიური პროგნოზი ქალებისთვის:
გველის წელი ქალებს ცხოვრების სხვადასხვა სფეროში წარმატებასა და აღიარებას ჰპირდება და ამავდროულად, ეს იქნება წელი, როდესაც თითოეული ადამიანი საკუთარ თავს უკეთ გაიცნობს, იმიჯის ფორმირებაზე და თავიანთი შესაძლებლობების წარმოჩენაზე იფიქრებს.
2025 წელი ძლიერი და გრძელვადიანი ურთიერთობების ჩამოყალიბებაში დაგეხმარებათ, რომელიც ნდობასა და პატივისცემაზე იქნება დაფუძნებული. შესაძლოა, ზოგიერთმა წყვილმა ურთიერთობების ფორმირება ან შვილის გაჩენა გადაწყვიტოს.
მომდევნო წელი ბევრი დაუგეგმავი მოვლენითაც იქნება სავსე, რამაც შესაძლოა დროდადრო ფინანსური სირთულეების წინაშე დაგაყენოთ. შესაბამისად, ასტროლოგების მთავარი რჩევაა, რომ ფინანსები გონივრულად გააკონტროლოთ. გარდა ამისა, 2025 წელი მოგცემთ შესაძლებლობას, შემოსავლის დამატებითი წყაროები იპოვოთ.
საერთო ჯამში, გველის წელი პროდუქტიული იქნება და შეძლებთ, როგორც კარიერულად, ასევე პირად ცხოვრებაშიც წარმატებას მიაღწიოთ.
როგორ შევხვდეთ გველის წელს?
იმისათვის, რომ 2025 წელს წარმატება მოვიზიდოთ და წლის მთავარი სიმბოლოს კეთილგანწყობა მოვიპოვოთ, მნიშვნელოვანია, რამდენიმე რეკომენდაცია გავითვალისწინოთ.
პირველ რიგში, სასურველია, სუფრასა თუ დეკორაციებში მწვანე, ყავისფერი და შავი ჩრდილები გამოვიყენოთ. ამავე რეკომენდაციით შეგვიძლია, სამოსის არჩევისას ვიხელმძღვანელოთ. სამკაულების არჩევისას კი უმჯობესია, ბუნებრივი ქვისგან დამზადებულ აქსესუარებს მივანიჭოთ უპირატესობა.
განათავსეთ წლის მთავარი სიმბოლოს გამოსახულება სახლის სხვადასხვა სივრცეში, რომ მისი კეთილგანწყობა მოიპოვოთ.
სადღესასწაულო სუფრაზე მრავალფეროვანი კერძები უნდა იყოს. მენიუში რეკომენდებულია ფრინველის, საქონლის ან ცხვრის ხორცის, ასევე თევზისა და ზღვის პროდუქტების შეტანა. არ დაივიწყოთ მრავალფეროვანი ხილი და ბოსტნეული.
ასევე, მნიშვნელოვანია, წელს დადებითი განწყობით შევხვდეთ, რომ წარმატება და იღბალი მოვიზიდოთ.
beaumonde
