რუსეთში ცნობილი მსახიობი და მომღერალი ნინო ნინიძე სკანდალში გაეხვა. სექსუალურ თეთრეულში გადაღებულ ნინიძის ფოტოს სოციალურ ქსელში თაყვანისმცემლების მხრიდან კრიტიკა მოჰყვა.
33 წლის არტისტი არასდროს ერიდება სილამაზის ხაზგასმას. ნინო ხშირად აქვეყნებს თამამ ფოტოებსა და ვიდეოებს სოციალურ ქსელებში. მიუხედავად იმისა, რომ ამის გამო ხშირად კრიტიკის ობიექტია, ნინიძე ყურადღებას არ აქცევს და ყველაფერს ღიმილით ხვდება.
მორიგი სკანდალი მომხიბვლელი ქართველი ქალის ფოტოსესიას მოჰყვა, – წერს ადგილობრივი მედია. ნინიძე საცვლებში პოზირებს საწოლში. უმცა ერთი შეხედვით ჩანს, რომ მსახიობი კამერის წინ სრულიად შიშველია. სინამდვილეში, ნინო კი კანის ფერი თეთრეული აცვია.
“ეს ის მომენტია“, – წერს პოსტის კომენტარში ნინო.
ფოტოებზე ხალხის აზრი გაიყო. მათმა ნაწილმა ნინიძის ახალი ფოტოები კრიტიკულად შეაფასა და ზედმეტად თამამი უწოდა. “გგონია, რომ ეს დედაშენს მოეწონება?“, – წერს, ერთ-ერთი გამომწერი. შეგახსენებთ, რომ ნინოს დედა ცნობილი ქართველი მსახიობი ია ნინიძეა.
ნინიძეს უამრავი დამცველი გამოუჩნდა.
“ნინო, მშვენიერი ხარ!“; “ღმერთო, ნუთუ არავინ გინახავთ შიშველი? ნახატი ან ქანდაკება, თუნდაც რეალურად შიშველი ადამიანები… რა გაწუხებთ გოგონას სხეულში?“; “როგორ ვარსკვლავური, მშვენიერი და ცოცხალი ხარ“; “არ მოუსმინოთ არავის. იმდენი სიძულვილია ადამიანებში “; “მეგონა, რომ შიშველი იყავით, პირველად გაოგნებული დავრჩი “; “საუკეთესო ფიგურა გაქვს, ყველაფერი შესანიშნავია“, – წერენ ნინიძის თაყვანისმცემლები.
კომენტარებში ნინიძე ჰკითხეს ყოფილ შეყვარებულ ცნობილ მსახიობ მაქს ვიტორგანზეც, თუმცა ვარსკვლავს პასუხი არ გაუცია. როდესაც ერთ-ერთი გამომწერი დაინტერესდა, თუ ვინ გადაუღო საწოლში თამამი ფოტოები, პასუხად ვერსიის სახით მაქსიმ ვიტორგანი დაუწერეს. როგორც ცნობილია, ნინო და მაქსიმი დიდი ხანი იყვნენ ერთად. თუმცა უკრაინაში ომის დაწყების შემდეგ, მათი ურთიერთობა აირია.
