მერწყული
2024 წლის იანვარი გაჩვენებთ, რომ ძველ ჩვევებს, ცხოვრების წესსა და შესაძლოა, ისეთ ადამიანებსაც კი დაემშვიდობოთ, რომლებთანაც ახლა კარგი ურთიერთობა გაქვთ. მიზეზი კი მნიშვნელოვანი ამბების გაგება გახდება, სადაც ადამიანები თავიანთ რეალურ სახეს გამოავლენენ. განშორება მტკივნეული იქნება და შესაძლოა, ამან თქვენს განწყობაზე, ემოციებზე, ახლობლებთან ურთიერთობაზე იმოქმედოს, გაღიზიანებული იმპულსური გახდეთ. თუმცა, ჯობს, ირგვლივმყოფების რეალურ სახეს, ზრახვებსა და სურვილებს ხედავდეთ, ვიდრე ილუზიებში ცხოვრობდეთ. კონცენტრირდით თქვენს ჰობიზე, საყვარელ საქმეზე და გახსოვდეთ – წვიმის შემდეგ ცაზე ცისარტყელა გამოისახება.
ვერძი
დავალებები, ვალდებულებები, რომლებიც 2023 წელს არ შეგისრულებიათ, 2024 წლის იანვარში ერთად მოიყრის თავს და ვეღარ გადადებთ. ამის გამო კი შესაძლოა, შფოთვა, სტრესი იგრძნოთ და ზედმეტად გადაიღალოთ. ეს შეიძლება სამსახურის, უნივერსიტეტის, პირადი ამბებით გამოწვეული საქმეები იყოს, რომლებიც ხშირად გადადეთ და განხორციელებაზე აღარ გიფიქრიათ. ნუ ინერვიულებთ, ყველაფრის შესრულებას შეძლებთ, თუკი სიმშვიდეს შეინარჩუნებთ და თანმიმდევრული იქნებით. იყავით მომთმენი – გახსოვდეთ, როდესაც არსებული ვალდებულებებს შეასრულებთ, ამოსუნთქვის საშუალება გექნებათ და ბევრად უფრო თავისუფლად განაგრძობთ ცხოვრებას.
თევზები
თევზებს ოცნება განსაკუთრებით უყვართ. თუმცა, ზოგჯერ რეალობას სწყდებიან და ამის გამო, იმედებიც უცრუვდებათ. 2024 წლის იანვარი მკაფიოდ გაჩვენებთ, რა არის ოცნება და რა რეალობა. მიხვდებით იმასაც, რომ თუკი ძალისხმევას არ გამოიჩენთ და თქვენი მიზნებისკენ, ოცნებებისკენ კონკრეტულ ნაბიჯებს არ გადადგამთ, არაფერი გამოვა. შესაძლოა, აღმოაჩინოთ, რომ დრო რაღაცებზე ტყუილად დაკარგეთ. თუმცა, ეს დაგეხმარებათ, რომ განვლილი გზა შეაფასოთ და ახალი მიმართულება აირჩიოთ. ამიტომაც, ამ პროცესში ცუდი არაფერია. ბევრ გაკვეთილს მიიღებთ და ცხოვრებას უფრო გააზრებულად განაგრძობთ.
