“ლანჩხუთის მოამბე” ახალგაზრდა ბიჭის გარდაცვალების შესახებ წერს:
“სიკვდილი თაფლობის თვეში. ლხინი ჭირად შეიცვალა, სწორედ ამ კონკრეტულ შემთხვევაზე, თავზარდამცემ უბედურებაზეა ნათქვამი, რომელიც სუფსაში დოლიძეების ოჯახში დატრიალდა.
სულ ახლახან ოჯახმა გიორგის ქორწილი იზეიმა. ოჯახი კი არა, სოფელიც ხარობდა ლამაზი წყვილის შეუღლებით.
სადღესასწაულო განწყობა არ განელებულა დოლიძეების ოჯახში … და უცებ, მეხის გავარდნის ტოლფასი კოშმარი. თაფლობის თვეში, თაფლობის სარეცელზე, ჯერ კიდევ მეფის ამპლუაში, ლამაზი ვაჟკაცი გარდაცვლილი იპოვეს…
ცხოვრება მოულოდნელობით არის სავსე. ვინ იცის ბედისწერა ვის რას უმზადებს…
არაფერი რომ არ ვთქვათ, დედაზე, რომლის სიცოცხლე ამქვეყნიური ჯოჯოხეთი გახდა.
გაზეთ „ლანჩხუთის მოამბე“ მწუხარებას გამოთქვამს მომხდარი ტრაგედიის გამო და თანაგრძნობას უცხადებს განსვენებულის ოჯახს.
წყარო:ექსკლუზივი
