თურქი მეცნიერების სენსაციური განცხადება – ისინი მზად არიან, წარმოადგინონ მტკიცებულებები, რომ ნოეს კიდობანი არარატის მთაზე დევს

თურქეთის ორი უნივერსიტეტი არარატის აღმოჩენებს იკვლევს, სადაც, ლეგენდის თანახმად, ნოე წარღვნას გაექცა.

თურქეთში სამეცნიერო სენსაციას ამზადებენ. ნაპოვნია ნოეს კიდობანი! ანუ ჯერ არ არის დადასტურებული, მაგრამ თურქეთის ორი უნივერსიტეტის მეცნიერები ერთდროულად მუშაობენ პრობლემაზე – სტამბოლის ტექნოლოგიური უნივერსიტეტი და აგრა იბრაჰიმ ჩეჩენის უნივერსიტეტი, რომელიც მდებარეობს ქალაქ აგრაში აღმოსავლეთ თურქეთში, არარატის მახლობლად და სომხეთისა და ირანის საზღვრიდან არც თუ ისე შორს. Ağrı ასევე არის არარატის მთის თურქული სახელი.

ქიმიკოსები, გეოლოგები და არქეოლოგები სტამბოლის ტექნიკური უნივერსიტეტის ლაბორატორიებში იკვლევენ ნიადაგისა და კლდის ნიმუშებს იმ ტერიტორიიდან, სადაც ვარაუდობენ, რომ ნოეს კიდობნის ნაშთებია. სოფლებს თელჩეკერსა და უზენგილს შორის არის კლდის წარმონაქმნი, რომელიც გემის სილუეტს წააგავს.

რისი პოვნა სურთ? ნოესა და თითოეული არსების დნმ-ის? არა. მტკიცებულებას იმისა, რომ ამ ადგილას ნიადაგები და ქვები გარკვეულწილად განსხვავდება მიმდებარე მთებისგან.

პროფესორი ფარუკ კაია, აგრას უნივერსიტეტის ვიცე-კანცლერი, რომელიც ნოეს კიდობნის თემას თითქმის 20 წელია იკვლევს, შედეგს იანვარ-თებერვლის ბოლოს ელოდება. კოლეგებთან ერთად ის მზადაა, 2023 წლის გაზაფხულზე გააგრძელოს საველე სამუშაოები, მოძებნოს ახალი არტეფაქტები.

თუ მტკიცებულება მოიპოვება, ეს იქნება უდიდესი სამეცნიერო სენსაცია. სამწუხაროა, რომ არ აძლევენ ნობელის პრემიას ისტორიასა და არქეოლოგიაში.

https://primetime.ge/